Diurnal: Literary News & Announcements
Thursday, July 03, 2008
Pangasinan Ghazal 18
ampay ko’y ermen ed sayan bekta
say kanonotan wala ed sika
no lakseban man so kamarerua
say aysing ya nanengneng et sika
dia ed laem tonia’y inkapalsa
anggapo’y arum ya musia: sika
talintao ka man O danaya
say kasikasikaan et sika
limgas na dayat limgas na uma
andi’y pinabli no ag ta sika
salamsam ko’y aron ag mangangga
katupag ko ma’y aliwan sika
gala agi ay lakap mo ak pa
ampay ko’y ermen ed sayan bekta
permaLink |
0 comments
say kanonotan wala ed sika
no lakseban man so kamarerua
say aysing ya nanengneng et sika
dia ed laem tonia’y inkapalsa
anggapo’y arum ya musia: sika
talintao ka man O danaya
say kasikasikaan et sika
limgas na dayat limgas na uma
andi’y pinabli no ag ta sika
salamsam ko’y aron ag mangangga
katupag ko ma’y aliwan sika
gala agi ay lakap mo ak pa
ampay ko’y ermen ed sayan bekta
Labels: ghazal
permaLink |
0 comments
Monday, June 23, 2008
Pangasinan Ghazal 17
nidumaduma ‘yan panangaro
dilin dila so itatandoro
abayag ko la ya ibabando
say Pangasinan et itandoro
wala’d salita so inkatoo
ay nepeg labat ya itandoro
say gisla na kamarerua tayo
akin et agtayo itandoro?
aned ma’y kawalaa’y boleg yo
ag pa ambaing ya itandoro
aya so inkua’y baknang a Tiago
tawir a salita’y itandoro
say dilin bilay ma’y isaklang yo
pian magnayon so dilan inaro permaLink |
0 comments
dilin dila so itatandoro
abayag ko la ya ibabando
say Pangasinan et itandoro
wala’d salita so inkatoo
ay nepeg labat ya itandoro
say gisla na kamarerua tayo
akin et agtayo itandoro?
aned ma’y kawalaa’y boleg yo
ag pa ambaing ya itandoro
aya so inkua’y baknang a Tiago
tawir a salita’y itandoro
say dilin bilay ma’y isaklang yo
pian magnayon so dilan inaro
Labels: ghazal
permaLink |
0 comments
Saturday, June 14, 2008
Pangasinan Ghazal 16
O Pinablin panpipilalekan
gala nengneng mo ak ed kugip ko
ed lakap na dagem ya amian
alay linak na labi’d kugip ko
gala andintoon ya indengan
liwawa’y noospir° ed kugip ko
italimam pa’y boblay na laman
anggano dia labat ed kugip ko
ilames mo’y anlong na lawanan
ed sankalaeman na kugip ko
angga’d naliknak so kabaliksan
na aripe’y aro ed kugip ko
nabuas et linawa kan bangonan
O Pinablin panpipilalekan
°binayes ed “noosphere” nen Pierre Teilhard de Chardin permaLink |
0 comments
gala nengneng mo ak ed kugip ko
ed lakap na dagem ya amian
alay linak na labi’d kugip ko
gala andintoon ya indengan
liwawa’y noospir° ed kugip ko
italimam pa’y boblay na laman
anggano dia labat ed kugip ko
ilames mo’y anlong na lawanan
ed sankalaeman na kugip ko
angga’d naliknak so kabaliksan
na aripe’y aro ed kugip ko
nabuas et linawa kan bangonan
O Pinablin panpipilalekan
°binayes ed “noosphere” nen Pierre Teilhard de Chardin
Labels: ghazal
permaLink |
0 comments
Thursday, May 22, 2008
Pangasinan Ghazal 15
gawa ta agi so labin aya
anggan saray nanengneng ed bekta
say bitewen ya inngara’d sika
labitewen ko ed sayan bekta
say alolong ya kawalaan ta
angarian ko ed sayan bekta
say tambayon pitareren tan dua
dangoan na aro ed sayan bekta
say inyesaes ya tungtungan ta
anlong a denglen ed sayan bekta
say aplos tan lakap mo danaya
pitamitam ko ed sayan bekta
sirin say paga ipanabuas la
gawa ta agi so labin aya permaLink |
0 comments
anggan saray nanengneng ed bekta
say bitewen ya inngara’d sika
labitewen ko ed sayan bekta
say alolong ya kawalaan ta
angarian ko ed sayan bekta
say tambayon pitareren tan dua
dangoan na aro ed sayan bekta
say inyesaes ya tungtungan ta
anlong a denglen ed sayan bekta
say aplos tan lakap mo danaya
pitamitam ko ed sayan bekta
sirin say paga ipanabuas la
gawa ta agi so labin aya
Labels: ghazal
permaLink |
0 comments
Saturday, May 03, 2008
Pangasinan Ghazal 14
amagaan la’ra’y lua ed matak
ya tinmerter singa no tagitak
naandi so tanila’y salitak
tan saray talina ‘ran tagitak
say kaderleng tan pakdal a musiak
aliing ed tambayo’y tagitak
anggano say pinablin busilak
lenes o lened lapu’d tagitak
onia so panangaro ya amtak
nen naames na mogmon tagitak
inyamut ko’d sapli’y uran so luak
pian agmo narengel so tagitak
natan et anlemew la’y linawak
amagaan la’ra’y lua ed matak permaLink |
0 comments
ya tinmerter singa no tagitak
naandi so tanila’y salitak
tan saray talina ‘ran tagitak
say kaderleng tan pakdal a musiak
aliing ed tambayo’y tagitak
anggano say pinablin busilak
lenes o lened lapu’d tagitak
onia so panangaro ya amtak
nen naames na mogmon tagitak
inyamut ko’d sapli’y uran so luak
pian agmo narengel so tagitak
natan et anlemew la’y linawak
amagaan la’ra’y lua ed matak
Labels: ghazal
permaLink |
0 comments
Monday, April 14, 2008
Pangasinan Ghazal 13
say intilak mon pakanonotan
gisla na palawpaw mon liknaan
‘sungpam so aron andi anggaan
bangta duma so wala’d liknaan
imbeneg ko’y dilin kawayangan
tan impakdal ko’d saya’y liknaan
bilay ya insaklang ed aroan
say gamor to et palun liknaan
lawas kan pinabli Makalasian
aliwan ayayam so liknaan
agmo ipilatek ed karaklan
ta nasugat mo’y dilin liknaan
singa say insugat mo nen saman
ay pinmiglat la ed kanonotan permaLink |
0 comments
gisla na palawpaw mon liknaan
‘sungpam so aron andi anggaan
bangta duma so wala’d liknaan
imbeneg ko’y dilin kawayangan
tan impakdal ko’d saya’y liknaan
bilay ya insaklang ed aroan
say gamor to et palun liknaan
lawas kan pinabli Makalasian
aliwan ayayam so liknaan
agmo ipilatek ed karaklan
ta nasugat mo’y dilin liknaan
singa say insugat mo nen saman
ay pinmiglat la ed kanonotan
Labels: ghazal
permaLink |
0 comments
Monday, March 24, 2008
Pangasinan Ghazal 12: Andibaing
say pinablik ya karenengdeneng
mogmon naampaya onkopit la
no dia’d ondoy na uma nanengneng
mogmon nadapigas onkopit la
keneng ma’y dagem o manbayengbeng
mogmon naaplos et onkopit la
say lakboot to ya ampasiseng
mogmon nasipeg et onkopit la
agko namamta no anto’y waleng
mogmon nademet et onkopit la
pakdal anggan iner onapireng
mogmon nariwit et onkopit la
bangta sikato ni so iderleng
say pinablik ya karenengdeneng permaLink |
0 comments
mogmon naampaya onkopit la
no dia’d ondoy na uma nanengneng
mogmon nadapigas onkopit la
keneng ma’y dagem o manbayengbeng
mogmon naaplos et onkopit la
say lakboot to ya ampasiseng
mogmon nasipeg et onkopit la
agko namamta no anto’y waleng
mogmon nademet et onkopit la
pakdal anggan iner onapireng
mogmon nariwit et onkopit la
bangta sikato ni so iderleng
say pinablik ya karenengdeneng
Labels: ghazal
permaLink |
0 comments
Thursday, February 28, 2008
Pangasinan Ghazal No.11
inngaran ko’d sika’y labitewen
pian nagamoran so panangarom
inyalay pati kayanga’y tawen
piaet ko lanti so panangarom
anggapo’y insungpan ag tooren
ontan so balur na panangarom
anggano say bakal et sugbaen
sempen ko bilay so panangarom
bangta alay atap mon aroen
talinposapos so panangarom
tan sarag mon pantelekteleken
dia ed dakulap mo’y manangarom
ay andi la! agko la alagden
so kapelag mo O labitewen! permaLink |
0 comments
pian nagamoran so panangarom
inyalay pati kayanga’y tawen
piaet ko lanti so panangarom
anggapo’y insungpan ag tooren
ontan so balur na panangarom
anggano say bakal et sugbaen
sempen ko bilay so panangarom
bangta alay atap mon aroen
talinposapos so panangarom
tan sarag mon pantelekteleken
dia ed dakulap mo’y manangarom
ay andi la! agko la alagden
so kapelag mo O labitewen!
Labels: ghazal
permaLink |
0 comments
Tuesday, February 19, 2008
Pangasinan Ghazal No.10
Inaon ed komatlon librok ya wala'y titulon Ghazalia: Pangasinan Ghazals. Sayan ghazal tan ghazal no.9 et nipalapag met ed A Kabaleyan's Thoughts na Sunday Punch.
ghazal 10
agko nalikna’y agew na puso
no anto man so kabaliksan to
singa ‘ya agew ya ordinario
ya anggapo so pidumaan to
dinmalan ya napnapno’y anganko
dagem balet so agamoran to
anggan say rosas ya inangob ko
anggapo’y balingit tan samiong to
ambetel so bulan na Pebriro
ambetel so aplos tan lakap to
ay nonot mo pa ‘yan manangaro
sika so panpipilalekan to
no wadia ka’d abay ko inaro
maliket iya’y agew na puso permaLink |
0 comments
ghazal 10
agko nalikna’y agew na puso
no anto man so kabaliksan to
singa ‘ya agew ya ordinario
ya anggapo so pidumaan to
dinmalan ya napnapno’y anganko
dagem balet so agamoran to
anggan say rosas ya inangob ko
anggapo’y balingit tan samiong to
ambetel so bulan na Pebriro
ambetel so aplos tan lakap to
ay nonot mo pa ‘yan manangaro
sika so panpipilalekan to
no wadia ka’d abay ko inaro
maliket iya’y agew na puso
Labels: ghazal
permaLink |
0 comments
Wednesday, February 13, 2008
Pangasinan Ghazal No.9
sinumlang ko’y ley na katawenan
ta pinabli taka biin Adan
imbeneg ko’y dilin sinulmingan
ta inaro taka biin Adan
pinikewet ko’y sankatunungan
lapu ed sika O biin Adan
pilalek ko ya pikasakeyan
so dilin ponponan: biin Adan
dia ed taglang ko ya nanlapuan
isaklang taka O biin Adan
sika'y eges na sansinakuban
bini’y aristos na biin Adan
ipotong ko ed sika so ngaran
ya ikinon da ed katawenan permaLink |
0 comments
ta pinabli taka biin Adan
imbeneg ko’y dilin sinulmingan
ta inaro taka biin Adan
pinikewet ko’y sankatunungan
lapu ed sika O biin Adan
pilalek ko ya pikasakeyan
so dilin ponponan: biin Adan
dia ed taglang ko ya nanlapuan
isaklang taka O biin Adan
sika'y eges na sansinakuban
bini’y aristos na biin Adan
ipotong ko ed sika so ngaran
ya ikinon da ed katawenan
Labels: ghazal
permaLink |
0 comments
Monday, February 11, 2008
Pangasinan Ghazal No.8
O kumpapey ka ya mariposa
dapo’d tanamanan kon rosalia
odino sakey a dinidyusa
alagiat ed samiong na rosalia
kasin impangaro ka’y amalsa
para ed siak tan saya’y rosalia?
inmapireng kan singa no musia
singa no danaya na rosalia
ay itepel pa’y parles na mata
limgas mo la’y limgas na rosalia
bangta siansia nin amaabeba
dia ed tanamanan kon rosalia
pinabli taka lapu ed saya
O kumpapey ko ya mariposa permaLink |
0 comments
dapo’d tanamanan kon rosalia
odino sakey a dinidyusa
alagiat ed samiong na rosalia
kasin impangaro ka’y amalsa
para ed siak tan saya’y rosalia?
inmapireng kan singa no musia
singa no danaya na rosalia
ay itepel pa’y parles na mata
limgas mo la’y limgas na rosalia
bangta siansia nin amaabeba
dia ed tanamanan kon rosalia
pinabli taka lapu ed saya
O kumpapey ko ya mariposa
Labels: ghazal
permaLink |
0 comments
Thursday, January 24, 2008
Pangasinan Ghazal No.7
tawen tan dalin ma’y manlaktipan
kapigan man agka nalingwanan
takewen ma’y kagut so aroan
kapigan man agka nalingwanan
sika so taglang na inka-Adan
kapigan man agka nalingwanan
O bini tan biin nanlapuan
kapigan man agka nalingwanan
sulming ka man ed mundo’y duksaan
kapigan man agka nalingwanan
O Rosalia na sansinakuban
kapigan man agka nalingwanan
mangando ka’d laman tan liknaan
tawen tan dalin ma’y manlaktipan permaLink |
0 comments
kapigan man agka nalingwanan
takewen ma’y kagut so aroan
kapigan man agka nalingwanan
sika so taglang na inka-Adan
kapigan man agka nalingwanan
O bini tan biin nanlapuan
kapigan man agka nalingwanan
sulming ka man ed mundo’y duksaan
kapigan man agka nalingwanan
O Rosalia na sansinakuban
kapigan man agka nalingwanan
mangando ka’d laman tan liknaan
tawen tan dalin ma’y manlaktipan
Labels: ghazal
permaLink |
0 comments
Thursday, January 10, 2008
Pangasinan Ghazal No.6
lingaw ka pa pinabli ed Pay-yo
dia’d parnasun sinulminga'y aro
ta wadman so atilak kon puso
aripen a napno’y panangaro
wadman so pilalek tan ilalo
say ngeswa’y kamareruak tan aro
ay laka pinabli ta pawil mo
manaalagar so manangaro
esaes ko’d dagem so ngaran mo
eyag ko’y saray anito’y aro
iparngel da komu’y liknaan ko
say insambak: inanlong kon aro
no anggapo ka sakbay na samput kon tambayo
say lobuk ko pinabli et onkesneg ed Pay-yo permaLink |
0 comments
dia’d parnasun sinulminga'y aro
ta wadman so atilak kon puso
aripen a napno’y panangaro
wadman so pilalek tan ilalo
say ngeswa’y kamareruak tan aro
ay laka pinabli ta pawil mo
manaalagar so manangaro
esaes ko’d dagem so ngaran mo
eyag ko’y saray anito’y aro
iparngel da komu’y liknaan ko
say insambak: inanlong kon aro
no anggapo ka sakbay na samput kon tambayo
say lobuk ko pinabli et onkesneg ed Pay-yo
Labels: ghazal
permaLink |
0 comments
Tuesday, December 18, 2007
Pangasinan Ghazal No.5
ulsa na daan ya angarian
ipanengneng mo pa’d saray matam
no anto ira’y naimatonan
ya nidatek ed aspito’y matam
O pinablin ulsa’y Caboloan
awaran ira’y kirlap na matam
emben da no anto so katuaan
araya et ag niburi’y matam
ipanengneng mo so sinulmingan
amin iran niyukit ed matam
saray tagaumen tan uliran
ya inkorit ed tekap na matam
say aristos ya insungpa’d lingwan
dia ed parnasu na angarian permaLink |
0 comments
ipanengneng mo pa’d saray matam
no anto ira’y naimatonan
ya nidatek ed aspito’y matam
O pinablin ulsa’y Caboloan
awaran ira’y kirlap na matam
emben da no anto so katuaan
araya et ag niburi’y matam
ipanengneng mo so sinulmingan
amin iran niyukit ed matam
saray tagaumen tan uliran
ya inkorit ed tekap na matam
say aristos ya insungpa’d lingwan
dia ed parnasu na angarian
Labels: ghazal
permaLink |
0 comments
Wednesday, December 12, 2007
Pangasinan Ghazal No.4
agmo man tinoor so insipan
mansiansia'y panangarok pinabli
O musia ka ed sayan liknaan
anggapo la'y arum ni pinabli
ay ligliwa ka ed kanonotan
busilak a bolaklak pinabli
dia'd kawalaan mon dorongawan
mabalani kan nagnap pinabli
no labi lan sika'y napetekan
ontan la'y pitamitam pinabli
nalakap naaplos naangoban
so garing a limgas mo pinabli
bangta singa ak no alabian
say pusom sananey so insipan permaLink |
0 comments
mansiansia'y panangarok pinabli
O musia ka ed sayan liknaan
anggapo la'y arum ni pinabli
ay ligliwa ka ed kanonotan
busilak a bolaklak pinabli
dia'd kawalaan mon dorongawan
mabalani kan nagnap pinabli
no labi lan sika'y napetekan
ontan la'y pitamitam pinabli
nalakap naaplos naangoban
so garing a limgas mo pinabli
bangta singa ak no alabian
say pusom sananey so insipan
Labels: ghazal
permaLink |
0 comments
Tuesday, December 04, 2007
Pangasinan Ghazal No.3
singa ka sakey a waling-waling
wala ed sangan ag nakalawit
binmuneknek ya agay la'y santing
dia'd alunggawit ag nakalawit
say makanengneng et tumakiling
nonot no panon kan nakalawit
ontan la'y kaatagey mo Rosing
rosas kan agko la nakalawit
say limgas mo et agko yaliling
ed arum ni'ran ag nakalawit
dinidyusa man ya ompaniring
o bitewen ya ag nakalawit
balani ka'd ilalam ko Rosing
balang o garing a waling-waling permaLink |
0 comments
wala ed sangan ag nakalawit
binmuneknek ya agay la'y santing
dia'd alunggawit ag nakalawit
say makanengneng et tumakiling
nonot no panon kan nakalawit
ontan la'y kaatagey mo Rosing
rosas kan agko la nakalawit
say limgas mo et agko yaliling
ed arum ni'ran ag nakalawit
dinidyusa man ya ompaniring
o bitewen ya ag nakalawit
balani ka'd ilalam ko Rosing
balang o garing a waling-waling
Labels: ghazal
permaLink |
0 comments
Saturday, November 24, 2007
Pangasinan Ghazal No.2
Akiaroan ak lamet ed musiak kalabian tan ayan anlong so bonga'y nankasakeyan mi :) No anto so irap ya mansulat na villanelle ed salitan Pangasinan et mas mairap manaya iya'y ghazal. Anggaman ontan, pilalek kon makagawa na libro'y anlong a ghazal ed sayan taon. Tituloan ko na Ghazalia.
natan et inkorit ko'y ngaran mo
dia'd sankaotelan tonia'y puso
anlong so tinmeterter inaro
ed sugat na salita ed puso
tambayo na ermen ed pagew ko
ira'y kuyab-kuyab tonia'y puso
dia'd saray labin napno'y ilalo
tagleey so dangoan tonia'y puso
sempen ed odiem so panangaro
ya yaanduyan ed sayan puso
O pilatek kon itatanduro
O rilag ya impotong ed puso
siak si umaanlong a Santiago
say lasin amabpabli'd ngaran mo permaLink |
0 comments
natan et inkorit ko'y ngaran mo
dia'd sankaotelan tonia'y puso
anlong so tinmeterter inaro
ed sugat na salita ed puso
tambayo na ermen ed pagew ko
ira'y kuyab-kuyab tonia'y puso
dia'd saray labin napno'y ilalo
tagleey so dangoan tonia'y puso
sempen ed odiem so panangaro
ya yaanduyan ed sayan puso
O pilatek kon itatanduro
O rilag ya impotong ed puso
siak si umaanlong a Santiago
say lasin amabpabli'd ngaran mo
Labels: ghazal
permaLink |
0 comments
Thursday, November 22, 2007
Pangasinan Ghazal No.1
Attempting again to write a ghazal in Pangasinan language. The first ones (now under the title Murtami) were not actually ghazals since I did not use any refrain and/or recurring rhyme but simply blank verses and heroic couplets.
ontan la'y panpilalek ed sika
O tinmalintao ya danaya
labitewen ka ed sayan bekta
managaag so lupam danaya
no yampar ka man ed saray musia
limgas mo'y naimano danaya
anlongen taka'd saray ghazalia
O yukit ko'y ngaran mo danaya
dia'd ilalam ono pililikna
binari ka balanin danaya
asingger ma'y arawi nin siansia
singa no balatabat danaya
dia'd itangwa'y banua'd agew aya
anggapo'y piaet no ag ta sika permaLink |
0 comments
ontan la'y panpilalek ed sika
O tinmalintao ya danaya
labitewen ka ed sayan bekta
managaag so lupam danaya
no yampar ka man ed saray musia
limgas mo'y naimano danaya
anlongen taka'd saray ghazalia
O yukit ko'y ngaran mo danaya
dia'd ilalam ono pililikna
binari ka balanin danaya
asingger ma'y arawi nin siansia
singa no balatabat danaya
dia'd itangwa'y banua'd agew aya
anggapo'y piaet no ag ta sika
Labels: ghazal
permaLink |
0 comments
A Tao (道) Sign
Santiago B. Villafania is a Pangasinan poet based in Manila, Philippines. He writes in Pangasinan, Tagalog (Filipino) and English. Some of his poems have appeared in local and international print and web publications.
He advocates for the development, preservation and the revival of Pangasinan as a literary language. He is currently an adjunct faculty member and a senior web developer at Emilio Aguinaldo College - Manila. » more
Today in Literature
Nomination to the Order of National Artist
Cirilo F. Bautista. Poet. Fictionist. Essayist. Critic. Theorist. Journalist. Professor.
Author of several books, including The Cave and Other Poems (1968), Charts (poetry, 1973), Sugat ng Salita (poetry, 1986), Stories (1990), Boneyard Breaking: New Collected Poems (1992), Kirot ng Kataga (poetry, 1995), Words and Battlefields: A Theoria on the Poem (1998), The Trilogy of Saint Lazarus (epic, 2001; comprising The Archipelago, Telex Moon, and Sunlight on Broken Stones), Bullets and Roses: The Poetry of Amado V. Hernandez (2003), and Galaw ng Asoge (novel, 2004). » more
Publications
A Boost to Pangasinan Literature from Breaking Signs by Cirilo F. Bautista (Philippine Panorama, 16 Dec. 2007, pp.25-26)
Poetic Revelation in Language and Culture by Danny C. Sillada (Manila Bulletin, 12 May 2008, pp. F1-F2)
Photos: Book Launching at the Pearl Manila Hotel, 5 Feb. 2008
Osa-osa tan tungtongan
Poetry News
Related Links
ars poetica
poems about poetry, updated daily
poems about poetry, updated daily
Art and Culture
A dynamic destination that delivers unique access to the best literary content (fiction, literary theory, nonfiction, poetry) available on the web today.
A dynamic destination that delivers unique access to the best literary content (fiction, literary theory, nonfiction, poetry) available on the web today.
Arts & Letters Daily
Daily report of news in art and literature. Includes reviews of new books, essays and articles.
Daily report of news in art and literature. Includes reviews of new books, essays and articles.
dadapilan.com - Iloko literature portal
Danny C. Sillada - painter, poet, musician, philosopher, literary writer, critic, and performance artist from Mindanao, Philippines
Cultural Center of the Philippines (CCP) was opened in 1969 to promote and preserve Filipino arts and culture, and to become a mecca of culture and the arts in Asia.
Magnapoets
taking over the world one poem at a time
taking over the world one poem at a time
A site devoted to Philippine Culture and Arts.
Panitikan
A portal to Philippine Literature and an online resource for Filipino writers and readers.
A portal to Philippine Literature and an online resource for Filipino writers and readers.
Poetry
Since its founding in 1912, Poetry has presented, often for the very first time, virtually every significant poet of the century. Tthe magazine remains the premier forum for contemporary poetry.
Since its founding in 1912, Poetry has presented, often for the very first time, virtually every significant poet of the century. Tthe magazine remains the premier forum for contemporary poetry.
Poetry International
A worldwide forum for poetry with works by acclaimed modern poets; both in the original language and in English translation.
A worldwide forum for poetry with works by acclaimed modern poets; both in the original language and in English translation.
Silliman's Blog
A weblog focused on contemporary poetry and poetics.
A weblog focused on contemporary poetry and poetics.
The Page
Poetry, essays, language, ideas
Poetry, essays, language, ideas
National Book Development Boardis the government agency mandated to develop and support the Philippine book publishing industry. Created by RA 8047 or the Book Publishing Industry Development Act in 1995.
Vox Pangasinense
Poetry podcast in English & Pangasinan
Poetry podcast in English & Pangasinan
Aurelio S. Agcaoili
The Words of the Left-handed are Some
The Words of the Left-handed are Some
Jaime M. Agpalo Jr.
http://kamalig.blogspot.com/
http://kamalig.blogspot.com/
Ariel Tabag
http://asseng.blogspot.com/
http://asseng.blogspot.com/
Kristian S. Cordero
Pusuanon
Pusuanon
Kabisdak!
An Online Venue for Creative Writing in Cebuano
An Online Venue for Creative Writing in Cebuano
Romi C. MananQuil
Reading List
As I Tango
30556-080404-222695-10
Kopian Kanepegan © 2001-2008 Dalityapi Unpoemed. Amin a kanepegan nibiig.
Special thanks to Armand Frasco