diurnal . poetry . news . writerature
Testking - Certification Guaranteed, The Easy Way!
Tuesday, March 30, 2010
Kanit (a Pangasinan Fable)
(inanlong a tongtong kabayaoasan)
sakey a kabuasan
mamaspasiar si Kanit ed paritpit
kapetek to’d mapalion a sukal
atertera’y linaew
say kuanton manetetel
agi! agay laya’y Linaew ay
pinuter to’y salik!
aliwan siak!
kuanen Linaew
si Agew ta tutunawen to ak!
agi! agay laya’y Agew ay
tutunawen to’y Linaew
kanian si Linaew pinuter to’y salik!
aliwan siak!
kuanen Agew
si Lurem ta sasanibsaniban to ak!
agi! agay laya’y Lurem ay
sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Lurem
si Dagem ta ipapalirpalir to ak!
agi! agay laya’y Dagem ay
ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Dagem
si Padir ta sasamsamberan to ak!
agi! agay laya’y Padir ay
sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Padir
si Otot ta bubutboten to ak!
agi! agay laya’y Otot ay
bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Otot
si Pusa ta buabuagen to ak!
agi! agay laya’y Pusa ay
buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Pusa
si Aso ta uusilan to ak!
agi! agay laya’y Aso ay
uusilan to’y Pusa
si Pusa buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Aso
si Apuy ta dadangdangen to ak!
agi! agay laya’y Apuy ay
dadangdangen to’y Aso
si Aso uusilan to’y Pusa
si Pusa buabuagen to’y Otot
si Otot bubutboten to’y Padir
si Padir sasamsamberan to’y Dagem
si Dagem ipapalirpalir to’y Lurem
si Lurem sasanibsaniban to’y Agew
si Agew tutunawen to’y Linaew
kanian si Linaew pinuter to’y salik!
aliwan siak!
kuanen Apuy
si Linaew ta sesebseban to ak!
kuanko la et
si Linaew so amuter na salik!
aliwan siak!
aliwan siak!
kuanto lamet nen Linaew
amalaldis si Makauley
ed naimatunan ton pantuturoan da
akigtot si Karul
mannangis si Tawen
adelap si Dalin kayari’y pito’ran agew
dia’d kiew a naanor
wadma’y Aso ya akasampa
akadagi’d sikato’y Pusa
tan si Pusa sankatangal to’y Otot
si Kanit balet wala’d sakey a sanga
no iner igagayogoy to’y sali ton aputer
(Oktobri, 2003)
permaLink |
0
comments
Monday, March 29, 2010
400 Years of St. Joseph Cathedral Parish (1610-2010 A.D.)
Chronicles on Establishment of the City and the Catholic Church of Alaminos 1610-2010 A.D. - Researched and filed by MELCHOR E. ORPILLA, Parish Research and Development Officer
permaLink |
0
comments
Wednesday, March 24, 2010
Pangasinan Ghazal 54
akaeleoat ak la’d sayan lemay
ya inlaem ko’d pagew a naynay
alapotan ko’y impan-omameng
aminpigan dupag so inboblay
angga’d inkaebes na ilalam
lapu’d panangaro ya nilegsay
bangta legias so palar pinabli
aliwan sika’y tupag na bilay
abayag ag amarmar so dalan
paunla’d musian umaantabay
natan a niwaglet ka la’d nonot
malteng la’y nabuas ya ag onsalay
dia’d anlong ko labat la mansiansia’y
inekeman kon ermen tan lemay
permaLink |
0
comments
Tuesday, March 23, 2010
The Pangasinenses at La Solidaridad
Siak, si National Artist for Literature F. Sionil José tan si Filmmaker Christopher Gozum dia'd La Solidaridad nen a-13 na Marso 2010. (Nilitrato nen Erwin Barleta)
permaLink |
0
comments
Tuesday, March 16, 2010
First-ever Asna Award in Pangasinan set
LINGAYEN, Pangasinan, March 14 – The first-ever Asna Award in Pangasinan will be conferred on outstanding Pangasinenses on April 5 this year in connection with the maiden celebration of the 430th Foundation Day of the province.
The Asna Award is distinct from other awards or programs because of its being selective, its prestige and integrity and it accords the highest expression of award recognition to outstanding Pangasinenses.
Asna, an old form of the Pangasinan word “Asin”, usually describes the good quality of a man’s character or his demeanor.
It is from the word "asin" that Pangasinan derived its name. "Pangasinan" was the name given to the province shortly after it was founded by early Spaniards on April 5, 1580.
The Asna Award seeks to give due recognition to outstanding Pangasinenses whose selfless dedication to their profession or vocation has resulted in outstanding contributions to the welfare of the people in Pangasinan and to the country at large.
It is also geared to inspire others, especially the youth, so they could emulate the achievements and leadership skills of the awardees.
The awards committee is composed of highly credible and knowledgeable individuals from the six congressional districts of the province chaired by Arabela V. Arcinue, president of the Pangasinan Heritage Society Inc.
The members shall search for nominations, submit these to the committee, conduct the preliminary screening of nominees and subsequently administer the final judging.
To enable the committee to judge fully and assess equitably the degree of success and extent of an achievement’s repercussions, all nominations should be well documented, as the committee places considerable weight on the testimony submitted by each nominator.
Public officials who are currently elected or running for public office this coming May elections are disqualified to be nominated to the Asna Award.
All entries should be mailed or personally delivered on or before March 22, 2010 to Marion Puzon, secretary, Pangasinan Heritage Society Inc., or Malu Elduayan, Tourism Operations division’s chief of Pangasinan. (PNA)
Source: http://bayanihan.org/2010/03/14/first-ever-asna-award-in-pangasinan-set/
permaLink |
0
comments
Saturday, March 06, 2010
Pangasinan Ghazal 53 (ed Alexandrine)
ikorit ko’y sankaermenan ya anlong
a singa say alikna to nen Neruda
ed sayan labi managaag so bulan
pirawat kon banbantagan mo met iya
tan nanonotan mo iyan mananangaro
a singa no say pannunnonot ko’d sika
dia’d kareenan tonia’y labi pinabli
malingsi’y nengneng ko’d mayumis mon lupa
anggapo’y arum ya piaet o’ pilalek
no ag ta say naaplos ka’d sayan bekta
anggapo’y arum ya tindek o’ gunaet
no ag ta say nalakap ka’d labin aya
bangta maatap kan singa no say musiak
ta onsabin labus no siak la’y mananlong
permaLink |
0
comments
Wednesday, March 03, 2010
Cirilo F. Bautista: 98 Poems
Cover study using C. F. Bautista's painting entitled Poetry Machine, 1982.
permaLink |
0
comments
Tuesday, March 02, 2010
Pangasinan Ghazal 52
no aliknam labat komu'y sakit
tan say onganget na kaarawi
natalusan mo anganko bilay
no akin et sika so pinabli
ta inter ed sika so balangon
nepeg labat ed saray binari
anggapo so gamor ya ugagep
no ag ta say pamirbir mo agi
ya aminsan et wala'y Santiagon
angaro'd sika balet nauli
ta ag abalikas ira'y ey-ey
nen say panangaro malangwer ni
nen yarawi ka na kapalaran
sinmugat so salitan inkorit
permaLink |
0
comments
A Tao 道 Sign
Santiago B. Villafania, Pangasinan poet, is the author of poetry collections Pinabli tan arum ni'ran Anlong (Beloved & Other Poems), Balikas na Caboloan (Voices from Caboloan) published by the National Commission for the Culture and the Arts (NCCA) under its UBOD New Authors Series (2005) and Malagilion: Sonnets tan Villanelles (2007). Villafania is one of the 11 Outstanding Pangasinenses conferred with the 2010 ASNA Award for the Arts and Culture (literature) category during the first-ever Agew na Pangasinan and 430th Foundation Day of Pangasinan on April 2010. Read more »
